Maharashtrian Style Tilachi Chutney Recipe in Marathi

Maharashtrian Style Sesame SeedsChutney
Maharashtrian Style Tilachi Chutney

महाराष्ट्रियन स्टाईल  तिळाची चटणी रेसिपी 

आपल्या भारतात चटणीचे विविध प्रकार फार लोकप्रिय आहेत. चटणी हा प्रकार असा आहे की चटणीमुळे आपल्या तोंडाला चव येते. तसेच चटण्या ह्या आपल्या आरोग्याच्या दृष्टीने हितावह आहेत. घरात भाजी नसेलतर आपण चटणी तोंडीला बनवू शकतो. आपण तीळ, शेगदाणा, जवस, काळे तीळ, खोबरे अश्या नानाविध प्रकारच्या चटण्या बनवू शकतो.

तिळची चटणी ही आपल्या आरोग्याच्या दृष्टीने हीतावह आहे. थंडीच्या दिवसात तिळाचे सेवन करणे हीतावह आहे. त्यामुळे आपल्या शरीराला उष्णता मिळते. तिळामध्ये अनेक औषधी गुणधर्म आहेत. तिळामध्ये विटामीन “B”, लोह, मँगनीज, सेलेनियम, फॉस्फरस आहे. तिळाचे नियमीत सेवन केल्याने कोलेस्टेरॉल नियंत्रित राहण्यास मदत होते. तीळ हे गरम, कफकारक, पित्तकारक, बलदायक, केसांसाठी हितावह, त्वचेसाठी हितावह, दातासाठी हितावह, बुद्धीप्रद आहेत. तीळ व गूळ आपल्या आरोग्याच्या दृष्टीने हीतावह आहेत.

बनवण्यासाठी वेळ: 30 मिनिट
वाढणी: 8-10 जणासाठी

साहीत्य:
2 कप तीळ (साधे पॉलिशचे वापराचे नाही)
1/2 कप सुके खोबरे
10-12 लसूण पाकळ्या
2 टी स्पून लाल मिरची पावडर
1 टी स्पून जिरे
1” चिंच
1 टी स्पून साखर
मीठ चवीने

Maharashtrian Style Sesame SeedsChutney
Maharashtrian Style Tilachi Chutney

कृती: कढई गरम करायला ठेवा. तीळ निवडून कढईमध्ये मंद विस्तवावर खमंग भाजून घ्या. सुके खोबरे किसून मंद विस्तवावर गुलाबी रंगावर भाजून घ्या. लसूण सोलून घ्या.

मिक्सरच्या भांड्यात भाजेलेले तीळ, भाजलेले सुके खोबरे, लसूण, लाल मिरची पावडर, जिरे, चिंच, साखर मीठ घालून चटणी बारीक वाटून घ्या. चटणी वाटून झाली की बाटलीत भरून ठेवा.

The Marathi language video of this Chutney Recipe can be seen here – Maharashtrian Style Tilachi Chutney

By Sujata Nerurkar

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published. Required fields are marked *


The reCAPTCHA verification period has expired. Please reload the page.