Categories
Pulao and Rice Recipes Recipes in Marathi

Pineapple Rice Recipe in Marathi

अननसाचा भात: अननसाचा भात हा कोणत्याही सणाला बनवायला छान आहे. ह्या भाताचा सुंगध फार छान येतो. बनवायला अगदी सोपा आहे तसेच लवकर होणारा आहे. अननसाचा भात बनवतांना ताजे अननसाचे तुकडे वापरले तरी चालतील किंवा टीन मधला अननस वापरला तरी चालेल. जेव्हा ताजे अननस वापरणार तेव्हा अननसाची साले काढून अननसाचे छोटे तुकडे करावे व त्यामध्ये २ टे स्पून साखर घालून २-३ मिनिट मंद विस्तवावर शिजवून घ्यावे. पायनापल राईस दिसायला पण खूप छान दिसतो. सर्व्ह करतांना वरतून द्राक्षे, चेरीचे तुकडे घातले तर अजून छान दिसते.

The English language version of this rice dish can be seen here – Ananas Pulao

बनवण्यासाठी वेळ: ४५ मिनिट
वाढणी: ४

साहित्य:
२ कप बासमती तांदूळ
३ कप साखर
२ टे स्पून साजूक तूप
१ मध्यम आकाराचे अननस किंवा पायनापल टीन
२ थेंब पायनापल ईसेन्स
४ थेंब पिवळा रंग

फोडणीसाठी:
२ टे स्पून साजूक तूप
२ तुकडे दालचीनी
२ तमलपत्र

Ananas
Pineapple

कृती:
अननस सोलून त्याचे लहान तुकडे करावे. त्यामध्ये दोन टे स्पून साखर घालून २-३ मिनिट शिजवून घ्यावे.
तांदूळ धुवून १५-२० मिनिट बाजूला ठेवावे.
एका जाड बुडाच्या भांड्यात तूप गरम करून त्यामध्ये दालचीनी, तमलपत्र व धुतलेले तांदूळ घालून २-३ मिनिट परतून घ्यावे. मग त्यामध्ये ४ कप गरम पाणी घालून भात शिजवून घ्यावा.
भात शिजल्यावर परातीत थंड करायला ठेवावा. थंड झाल्यावर पिवळा रंग, पायनापल इसेन्स व साखर घालून मिक्स करावे.
मग भांड्यात एक भाताचा लेअर मग अननसाचे तुकडे परत भात त्यावर अननसाचे तुकडे असे लावून वरतून साजूक तूप घालून भांड्यावर झाकण ठेवावे व दोन चांगल्या वाफा आणाव्यात.
वाफ आल्यावर भात १५-२० मिनिट तसाच झाकून ठेवावा मग सर्व्ह करावा.

Share this Article

By Sujata Nerurkar

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a Reply

Your email address will not be published. Required fields are marked *