शरद पूर्णिमा कोजागिरी पूर्णिमा 2022 महत्व पूजाविधी, कहाणी व मसाला दूध
शरद पूर्णिमा ह्या दिवशी आकाशातून अमृत वर्षाव होतो. ह्या वर्षी शरद पूर्णिमा 9 ऑक्टोबर 2022 रविवार ह्या दिवशी आहे. हिंदू धर्मामध्ये शरद पूर्णिमा ह्या दिवसाचे खूप महत्व आहे. ह्या दिवशी महिला पूर्ण दिवस उपवास धरतात. ज्योतिष शास्त्र नुसार शरद पूर्णिमा ह्या दिवशी काही उपाय केले तर आर्थिक परेशानी पासून मुक्ती मिळते व सुख संपत्ति प्राप्त होते.
The text Sharad Purnima 2022 Mahatva Puja Vidhi Katha Masala Dudh in Marathi be seen on our You tube Chanel Sharad Purnima Kojagiri 2022 Mahatva Puja Vidhi Katha Masala Dudh
हिंदू पंचांग नुसार आश्विन महिन्यातील शुल्क पक्ष ह्या तिथीला शरद पूर्णिमा साजरी करायची आहे. ह्या दिवसाला रास पूर्णिमा, कोजागिरी पूर्णिमा किंवा कौमुदी व्रत ह्या नावानी सुद्धा ओळखले जाते. ज्योतिष शास्त्र नुसार ह्या दिवशी चंद्र 16 कलांनी परिपूर्ण होतो. असे म्हणतात की शरद पूर्णिमा ह्या दिवशी माता लक्ष्मी पृथ्वीवर येते व लक्ष्मी प्राप्त काही उपाय केलेतर आपली किस्मत बदलू शकते.
कोजागिरी पूर्णिमा शरद पूर्णिमा महत्व:
पूर्वीच्या काळा पासून असे मानले जाते की शरद पूर्णिमा ह्या दिवशी माता लक्षीची उत्पती समुद्र मंथन मधून झाली होती. ह्याच तिथीला धनदायक मानले जाते. असे म्हणतात की ह्या दिवशी रात्री माता लक्ष्मी पृथ्वीवर भ्रमण करते व जे लोक रात्री जागून माता लक्ष्मी ची पूजा अर्चा भजन कीर्तन करतात त्यांच्या घरी ती नीवास करते. असे सुद्धा म्हणतात की ह्या दिवशी रात्री दूध आटवून त्याची खीर बनवतात किंवा मसाला दूध बनवतात व ते चंद्र प्रकाशात रात्री ठेवतात त्याने मग त्यामध्ये अमृत समावले जाते असे म्हणतात.
शरद पूर्णिमा पूजाविधी:
शरद पूर्णिमा ह्या दिवशी पवित्र नदीमध्ये स्नान करण्याची परंपरा आहे. समजा हे शक्य नसेल तर घरीच अंघोळीच्या पाण्यात गंगाजल घालून आंघोळ करावी. व स्वच्छ वस्त्र परिधान करावे.
एका लकडी पाटावर किंवा चौरंगावर लाल रंगाचे कापड घालून गंगाजल शिंपडावे.
आता ह्या चौरंगावर माता लक्षीची मूर्ती किंवा फोटो ठेवून लाल रंगाची चुनरी घालावी. मग धूप, दिवा, सुगंधित फूल पान सुपारी व नेवेद्य अर्पण करावा
मग माता लक्ष्मी ची पूजा करून लक्षीचालीसा वाचावी.
मग संध्याकाळी घर स्वच्छ करून आपल्या घरच्या मुख्य दरवाजा समोर सडा रांगोळी काढून लक्षीची पावल काढून आपल्या घरातील देव्हाऱ्या पर्यन्त काढावी.
मग संध्याकाळी भगवान विष्णुची पूजा करून तुपाचा दिवा लावावा. व त्याच बरोबर तुळशीच्या समोर सुद्धा रांगोळी काढून तुपाचा दिवा लावावा.
मग तांदळाची व गाईच्या दुधाची खीर बनवून चांदीच्या भांड्यात ठेवून चंद्र प्रकाशात ठवावी. रात्र जागवून सकाळी सर्वाना खीर प्रसाद म्हणून द्यावी.
शरद पूर्णिमाची कहाणी:
एक सावकार होता त्याला दोन मुली होत्या. दोघी जणी शरद पूर्णिमाचे व्रत करत होत्या. मोठी मुलगी पूर्ण व्रत करायची व धाकटी नेहमी अर्धवट व्रत करायची त्यामुळे धाकट्या मुलीचे मूल नेहमी जन्मले की मारायचे. तिने ब्रह्मणाला ह्याचे कारण विचारले तेव्हा ब्रह्मणाने उत्तर दिलेकी तू नेहमी पूर्णिमा व्रत अर्धवट करत होतीस. त्यामुळे तुझे मूल जगत नाही. तू जर पूर्णिमा व्रत अगदी विधी पूर्वक केले तर तुझी संतती जगू शकेल.
त्यानुसार धाकट्या मुलीने शरद पूर्णिमा ह्याचे व्रत विधी पूर्वक पूर्ण केले. मग तिला मुलगी झाली पण तिची मुलगी लगेच मरण पावली. मग तिने मुलीच्या अंगावर कापड घातले व मोठ्या बहिणीला बोलवायला गेली. मोठी बहीण आल्यावर तिने बहिणीला जेथे मुलीला ठेवले होते त्या जागेवर बसायला सांगितले. जेव्हा मोठी बहीण बसणार तेव्हडयात तिचा घागरा त्या मुलीच्या अंगाला लागला व ती मरण पावलेली मुलगी लगेच रडायला लागली.
शाही मसाला दुध
साहित्य :
१ लिटर दुध (म्हशीचे)
१ १/२ कप साखर (गोडी आपल्या आवडीनुसार)
८-१० काजू
८-१० बदाम
७-८ पिस्ते
१/४ टी स्पून जायफळ पूड
१ टी स्पून वेलचीपूड
८-१० केसर काड्या
चरोळी (आवडत असल्यास)
कृती : काजू, बदाम, पिस्ताची पूड करून घ्या. जायफळ किसून घ्या. वेलचीपूड करून घ्या.
दुध गरम करून १० मिनिट मंद विस्तवावर आटवून घ्या. त्यामध्ये साखर मिक्स करूनपरत ५-७ मिनिट आटवून घ्या.
मग त्यामध्ये काजू, बदाम, पिस्ते ची पूड, जायफळ पूड, वेलचीपूड, केसर घालून मिक्स करून घ्या.
सर्व्ह करतांना गरम-गरम सर्व्ह करा.
