बटाट्या वड्याची चटणी: ही चटणी बटाटेवडा, मेदुवडा, डोसा ह्या पदार्था बरोबर छान लागते. बटाट्या वड्याची चटणी ही खमंग लागते. ही चटणी बनवतांना ओला नारळ, शेगदाणे, कोथंबीर वापरली आहे व वरतून फोडणी दिली आहे. त्यामुळे छान खमंग लागते.
The English language version of the Batata Vada Chutney recipe and preparation method can be seen here – Green Chutney for Batata Vada
बनवण्यासाठी वेळ: २० मिनिट
वाढणी: ४ जणासाठी
साहित्य:
१/२ कप ओला नारळ (खोऊन)
५-६ हिरव्या मिरच्या
१/४ कप कोथंबीर
४-५ लसूण पाकळ्या
२ टे भाजलेले दाणे
१ टी स्पून लिंबूरस
मीठ व साखर चवीने
फोडणी करीता:
१ टी स्पून तेल
५-६ कडीपत्ता पाने
१ टी स्पून मोहरी
१/४ टी स्पून हिंग
कृती:
शेंगदाणे भाजून, सोलून घ्या. नारळ खऊन घ्या. कोथंबीर धुऊन चिरून घ्या.
नारळ, हिरव्या मिरच्या, कोथंबीर, लसूण, शेंगदाणे, लिंबूरस, मीठ, साखर व २ टे स्पून पाणी घालून वाटून घ्या.
चटणी वाटून घेतल्यावर एका भांड्यात काढून घ्या.
फोडणीच्या वाटी मध्ये तेल गरम करून त्यामध्ये कडीपत्ता, मोहरी व हिंग घालून खमंग फोडणी चटणीवर घालावी.
