Spicy Cauliflower Pulao Recipe in Marathi

Phool Gobi Pulav
Cauliflower Pulav or Rice

खमंग कॉलीफ्लॉवर पुलाव: आपण नेहमी वर्ण-भात, आमटी-भात बनवतो. कॉली फ्लॉवर पुलाव हा आपण जेवणात वेगळेपण म्हणून बनवता येतो. कॉली फ्लॉवर पुलाव हा चवीला छान लागतो. लहान मुलांना नक्की आवडेल. हा पुलाव बनवतांना कॉली फ्लॉवरचे तुरे हळद-मीठ लाऊन तळून घेतले आहेत. त्यामुळे कॉली फ्लॉवरचा उग्र दर्प येत नाही.

The English language version of this Pulao recipe preparation method can be seen here- Maharashtrian Flower Bhaat

बनवण्यासाठी वेळ: २० मिनिट
वाढणी: ४ जणासाठी

साहित्य:
२ कप तांदूळ (बासमती किंवा दिल्ली राईस)
१ कप कॉली फ्लॉवरचे तुरे
१ टी स्पून लिंबूरस
२ टे स्पून कोथंबीर पाने (चिरून) मीठ चवीने

मसाला पुलावासाठी:
१ मध्यम आकाराचा कांदा
१ टे स्पून आले-लसूण पेस्ट
३ हिरव्या मिरच्या पेस्ट
१ टी स्पून लाल मिरची पावडर
१/४ टी स्पून हळद
१/४ टी स्पून धने-जिरे पावडर
१ टी स्पून गरम मसाला किंवा बिर्याणी मसाला

फोडणीसाठी:
१ टे स्पून तेल
४ लवंग
३ हिरवे वेलदोडे
२ तमलपत्र
१/२” दालचीनी तुकडा
१ टी स्पून शहाजिरे
१/४ कप तेल कॉलीफ्लॉवर तळण्यासाठी

Full Gobi Pulav
Cauliflower Pulav or Rice

कृती:
तांदूळ धुवून २० मिनिट बाजूला ठेवा. कॉलीफ्लॉवरचे तुरे धुवून त्याला हळद-मीठ लावून ५ मिनिट बाजूला ठेवा.
एका कढईमधे तेल गरम करून कॉलीफ्लॉवरचे तुरे तळून घ्या.
कुकरमध्ये एक टे स्पून गरम करून त्यामध्ये लवंग, हिरवे वेलदोडे, तमलपत्र, दालचीनी तुकडा, शहाजिरे, चिरलेला कांदा घालून दोन-तीन मिनिट परतून घ्या. त्यामध्ये आले-लसूण पेस्ट, हिरवी मिरची पेस्ट घालून एक मिनिट परतून धुतलेले तांदूळ, लाल मिरची पावडर, हळद, गरम मसाला अथवा बिर्याणी मसाला घालून २ मिनिट परतून घ्या. मग त्यामध्ये चवी नुसार मीठ, लिंबूरस, तळलेले कॉलीफ्लॉवरचे तुरे, ४ कप गरम पाणी घालून कुकरचे झाकण लावून दोन शिट्या काढा.
गरम गरम कॉलीफ्लॉवरचा पुलाव सर्व्ह करा. सर्व्ह करतांना कोथंबीरने सजवा.

By Sujata Nerurkar

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published. Required fields are marked *


The reCAPTCHA verification period has expired. Please reload the page.