Categories
Recipes in Marathi Snacks Recipes

Healthy Palak Idli Recipe in Marathi

हेल्दी पालक इडली: आपण नेहमी इडली बनवतो. लहान मुलांना इडली हा पदार्थ खूप आवडतो. इडली बनवतांना त्यामध्ये थोडे वेगळेपण करता येईल व मुलांना आवडेल सुद्धा. पालक किती पौस्टिक आहे ते आपल्याला माहीत आहेच. मुलांना शाळेत जातांना डब्यात स्पिन्याच इडली देता येईल व अशी रंगीत इडली त्यांना आकर्षक वाटेल व ह्यामध्ये हिरवी मिरची घातल्यामुळे मसालेदार सुद्धा वाटेल. ही इडली बनवतांना हिरवी मिरची घातली आहे त्यामुळे बरोबर चटणी नसेल तरी चालेल. करून बघा. तुम्हाला व तुमच्या लाडक्या मुलांना नक्की आवडेल.

हेल्दी पालक इडली बनवण्यासाठी वेळ: ६० मिनिट
वाढणी: २४ इडल्या बनतात

साहित्य:
इडलीचे पीठ बनवण्यासाठी
१ कप साधे तांदूळ
१/२ कप उडद डाळ
८-१० मेथी दाणे
मीठ चवीने
तेल इडली बनवतांना वापरायला
मिक्स करण्यासाठी:
१/२ कप पालक प्युरी
२-३ हिरव्या मिरच्या

Spinach Idli
Healthy Palak Idli

कृती:
तांदूळ व डाळ धुवून घ्या. मग तांदूळ, मेथीदाणे व डाळ वेगवेगळी ७-८ तास भिजत ठेवा. नंतर एकत्र करून मिक्सरमध्ये बारीक वाटून घेवून परत १० तास तसेच झाकून ठेवा म्हणजे इडलीचे पीठ चांगले फसफसून येईल.
पालकची पाने धुवून थोडेसे पाणी घालून ५ मिनिट उकडून घ्या. थंड झाल्यावर उकडलेली पाने व हिरवी मिरची मिक्सरमध्ये वाटून घ्या.
इडलीचे पीठ, वाटलेला पालक, मीठ चांगले मिक्स करून घ्या. पीठ जास्त घट्ट झाले असेल तर थोडेसे पाणी घालावे.
इडली पात्रात इडलीचे पीठ घालून १०-१२ मिनिट मोठ्या विस्तवावर इडली वाफवून घ्यावी.
इडली झाल्यावर इडली पत्रातून इडली हळुवारपणे काढावी.

Share this Article

By Sujata Nerurkar

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a Reply

Your email address will not be published. Required fields are marked *