Lemon Pepper Green Beans Salad Recipe in Marathi

लेमन-पेपर ग्रीन बीन्स सलाड: लेमन-पेपर ग्रीन बीन्स सलाड हे एक इटालीयन स्टाईल सलाड आहे. ग्रीन बीन्स सलाड हे थंड सर्व्ह करता येते व तसेच हे दही बरोबर सर्व्ह करतात. हे सलाड बनवायला अगदी सोपे व झटपट होणारे आहे. ह्या सालाडला बीन्स समर सलाड सुद्धा म्हणतात.

बनवण्यासाठी वेळ: २० मिनिट
वाढणी: ४ जणासाठी

साहित्य:
१०० ग्राम फ्रेश बीन्स
२ लिंबू (लिंबाची साले किसून)
१ टे स्पून ओलिव्ह ऑईल
मीठ चवीने
मिरे पावडर चवीने
डीप बनवण्यासाठी:
२ कप दही
मीठ व साखर चवीने
४-५ पुदिना पाने (चिरून)

Italian Lemon Pepper Green Beans Salad

Lemon Pepper Green Beans Salad

कृती: बीन्स धुऊन मोठे तिरके तुकडे कापून घ्या. लिंबू किसून त्याची साले बाजूला ठेवा.
डीप बनवण्यासाठी दह्यामध्ये मीठ, साखर चवीने घालून, पुदिना पाने चिरून घालून एक सारखे करून घ्या.
एका भांड्यात २-३ कप पाणी घेऊन त्यामध्ये १ टी स्पून मीठ घालून चिरलेले बीन्स घालून ३-४ मिनिट मोठ्या विस्तवावर बॉईल करून घ्या. मग विस्तव बंद करून बीन्स चाळणीवर ओतून जास्तीचे पाणी काढून घेऊन त्यावर थंड पाणी ओतून चाळणी बाजूला ठेवा.
एका काचेच्या बाऊलमध्ये बीन्स, लिंबाची साले, ओलिव्ह ऑईल, मीठ, मिरे पावडर घालून मिक्स करून घ्या. आपले लेमन-पेपर ग्रीन बीन्स सलाड तयार झाले.

लेमन-पेपर ग्रीन बीन्स सलाड दह्याच्या डीप बरोबर सर्व्ह करा.

About Sujata Nerurkar (1982 Articles)

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*