Tasty Chicken Keema Puri Recipe in Marathi

खिम्याच्या पुऱ्या: खिम्याच्या पुऱ्या ह्या नाश्त्याला बनवायला चांगल्या आहेत. मी ह्या पुऱ्या बनवण्यासाठी चिकनचा खिमा वापरला आहे.

बनवण्यसाठी वेळ: ४५ मिनिट
वाढणी: १५ पुऱ्या बनतात

साहित्य:
आवरणासाठी:
१ कप गव्हाचे पीठ
१ कप मैदा
१ टे स्पून तेल (गरम)
मीठ चवीने

सारणासाठी:
२५० ग्राम चिकन खिमा
१ टे स्पून तेल
२ मोठे कांदे (चिरून)
२ टे स्पून आले-लसूण पेस्ट
१ टी स्पून हळद
२ टी स्पून लाल मिरची पावडर
मीठ चवीने

मसाला बनवण्यासाठी:(वाटून घ्या)
१ टी स्पून धने-जिरे
६ लवंग
१/२” दालचीनी तुकडा
२५० ग्राम वनस्पती तूप तळण्यासाठी

Chicken Keema Puri

Tasty Chicken Keema Puri

कृती:
आवरणासाठी: गव्हाचे पीठ, मैदा, गरम तेल व मीठ घालून घट्ट पीठ मळून घेऊन बाजूला ठेवा.

सारणासाठी: चिकन खिमा स्वच्छ धुवून बाजूला ठेवा, कांदा बारीक चिरून घ्या. गरम मसाला वाटुन घ्या. आले-लसूण पेस्ट करून घ्या.

एका कढई मध्ये तेल गरम करून घेऊन कांदा घालून दोन मिनिट परतून घ्या. मग त्यामध्ये आले-लसूण पेस्ट घालून एक मिनिट परतून घेऊन चिकन खिमा व मीठ घालून खिमा मंद विस्तवावर २-३ मिनिट परतून घेऊन १/२ कप पाणी घालून चिकन खिमा शिजवून घ्या. मग त्यामध्ये लाल मिरची पावडर, गरम मसाला, लिंबूरस घालून मिक्स करून १०-१२ मिनिट खिमा शिजवून घेऊन थंड करायला बाजूला ठेवा.

पुऱ्या बनवण्यासाठी: भिजवलेल्या पिठाचे एक सारखे २० गोळे बनवा. एक गोळा घेऊन थोडा लाटून त्यामध्ये १ चमचा खिम्याचे सारण भरून पुरी बंद करून थोडी लाटून घ्या. अश्या प्रकारे सर्व पुऱ्या लाटून घ्या.
कढाईमध्ये तूप गरम करून पुऱ्या तळून घ्या.

गरम गरम पुऱ्या सर्व्ह करा.

About Sujata Nerurkar (1848 Articles)
I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*