White Dhokla Recipe in Marathi

पांढरा ढोकळा: पांढरा ढोकळा हा नाश्त्याला किंवा स्टारटर म्हणून बनवायला छान आहे. हा ढोकळा बनवतांना तांदूळ व उडीदडाळ वापरली आहे. तसेच वरतून मिरी पावडर व लाल मिरची वापरली आहे. ह्यामध्ये तेलाचा वापर फक्त थाळीला लावण्यासाठी केला आहे. बनवायला सोपा व लवकर होणारा पदार्थ आहे. मुलांना शाळेत जातांना डब्यात द्यायला सुद्धा छान आहे.

The English language version of this Dhokla Recipe can be seen here- Safed Dhokla

बनवण्यासाठी वेळ: २० मिनिट
वाढणी: ४ जणासाठी

साहित्य
१ कप तांदूळ
१/२ कप उडीदडाळ
१ टी स्पून मिरे पावडर
१ टी स्पून लाल मिरची पावडर
एक चिमुट खायचा सोडा
मीठ चवीने
१ टी स्पून तेल थाळीला लावायला

कृती
तांदूळ व उडीदडाळ धुवून वेगवेगळी ७-८ तास भिजत ठेवा.
तांदूळ व उडीदडाळ घट्ट व बारीक वाटुन घेऊन मिश्रण ७-८ तास झाकून ठेवा.
वाटलेले मिश्रण, मीठ व खायचा चिमुटभर सोडा घालून चांगले ढवळून घ्या.
एका पसरट भांड्याला तेलाचा हात लावून तयार केलेले मिश्रण ओतुन वरतून मिरे पावडर व लाल तिखट भुरभुरून घ्या.
कुकरमध्ये पाणी घालून एका भांडे ठेवा त्यावर मिश्रणाचे भांडे ठेवून कुकरची शिट्टी काढून झाकण लाऊन कुकर बंद करून १०-१२ मिनिट वाफवून घ्या.
कुकर मधून भांडे बाहेर काढून थोडेसे थंड झाल्यावर ढोकल्याचे मध्यम आकाराचे तुकडे करून घ्या.
गरम गरम पांढरा ढोकळा टोमाटो सॉस बरोबर सर्व्ह करा.

About Sujata Nerurkar (1852 Articles)
I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*