Royal Paneer-Gulkand Kheer in Marathi

रॉयल पनीर-गुलकंद खीर: पनीर-गुलकंद खीर ही आपण सणावारी करू शकतो किंवा डेझर्ट म्हणून सुद्धा करू शकतो. पनीर खीर बनवतांना त्यामध्ये गुलकंद वापरला आहे त्यामुळे ह्या खिरीला वेगळीच सुंदर चव येते व सुगंध पण खूप छान येतो. तसेच कॉर्नफ्लोअर वापरला आहे त्यामुळे खिरीला घट्ट पणा येतो. पनीर-गुलकंद खीर अप्रतीम लागते करून बघा नक्की आवडेल.

The English language version of this Kheer preparation method can be seen here – Paneer Rose Petal Jam Kheer

रॉयल पनीर-गुलकंद खीर: ३० मिनिट
वाढणी: ४ जणांसाठी

साहित्य:
१ लिटर दुध
१२५ ग्राम होममेड पनीर (होम मेड पनीर साठी रेसिपी बघा – Homemade Paneer)
१ टे स्पून गुलकंद (Rose Petal Jam)
१/४ कप साखर
२ टे स्पून कॉर्नफ्लोअर
१/२ टी स्पून वेलची पावडर
२-३ काजू
२-३ बदाम

कृती:
प्रथम दुध तापवून घ्या. मग त्यामध्ये साखर घालून १०-१५ मिनिट मंद विस्तवावर उकळून घ्या. मग त्यामध्ये कॉर्नफ्लोअर मिक्स करून २-३ मिनिट उकळी येवू द्या. मग दुध थंड करायला ठेवा.
पनीर किसून घ्या. काजू व बदामाचे बारीक तुकडे करा.
दुध थंड झाल्यावर त्यामध्ये किसलेले पनीर, गुलकंद, काजू-बदाम तुकडे वेलची पावडर घालून फ्रीजमध्ये २-३ तास थंड करायला ठेवा.
पनीर गुलकंद खीर थंड सर्व्ह करा. सर्व्ह करतांना ड्राय फ्रुटने सजवा.

About Sujata Nerurkar (1898 Articles)
I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*