Mod Aalelya Mugachi Usal Recipe in Marathi

मोड आलेल्या मुगाची उसळ : मोड आलेल्या मुगाची उसळ फार चवीस्ट लागते. मुग हे पचायला हलके असतात व ते गुणकारी पण आहेत्त. हिरवे मुग हे जास्त गुणकारी असतात. मोड आलेल्या मुगाचे उसळ मुलांना चपाती बरोबर शाळेत जातांना डब्यात देता येईल. ह्याची उसळ बनवायला सोपी आहे व झटपट होणारी आहे.

मोड आलेल्या मुगाची उसळ बनवण्यासाठी वेळ: २० मिनिट
वाढणी: ४ जणासाठी

साहित्य :
२ कप मोड आलेले मुग
१ टे स्पून ओला नारळ
१ टे स्पून कोथंबीर
मीठ चवीने

फोडणी साठी :
१ टे स्पून तेल
१ टी स्पून मोहरी
१ टी स्पून जिरे
५-६ कडीपत्ता पाने
१/४ टी स्पून हिंग
१ छोटा कांदा(बारीक चिरून)
१ टे स्पून आले-लसूण (बारीक चिरून)
२ हिरव्या मिरच्या (चिरून)
१/४ टी स्पून हळद

कृती : प्रथम मोड आलेले मुग धुवून थोडेसे पाणी घालून कुकर मध्ये एक शिटी काढून घ्या.
एका कढई मध्ये तेल गरम करून त्यामध्ये मोहरी, जिरे, कडीपत्ता पाने, हिंग, कांदा, आले-लसून, हिरवी मिरची व हळद घालून थोडे परतून घ्या. मग त्यामध्ये शिजवलेले मुग घालून थोडे परतून घ्या. ओले खोबरे व कोथंबीर घालून मिक्स करा.
गरम गरम उसळ चपाती बरोबर सर्व्ह करा.
टीप : उसळ बनवतांना जर लोखंडाची कढई वापरली तर उत्तम होईल.

The English language version of the Sprouted Green Gram or Moong Dal Usal preparation method is published in this – Article

About Sujata Nerurkar (1897 Articles)
I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*