Gajaracha Sakhar Bhat Recipe in Marathi

गाजराचा साखरभात : गाजराचा साखरभात ही एक स्वीट डीश आहे. आपण नेहमीच साखरभात, अननस भात बनवतो. गाजराचा भात चवीला छान लागतो. दिसायला पण सुंदर दिसतो. त्यामध्ये गाजर व नारळ घातला आहे त्यामुळे ह्याची चव फारच सुंदर लागते.

साहित्य :
१ कप बासमती तांदूळ
१ कप गाजराचा कीस
१ १/२ कप साखर
३/४ कप नारळ (खोवून)
२ टे स्पून दुध
३ टे स्पून तूप
१ टी स्पून वेलचीपूड

कृती:
तांदूळ धुवून घ्यावेत, थोडे तूप घालून त्याचा मोकळा भात करून घ्यावा व थंड करायला ठेवावा. एका कढईत अ टी स्पून तूप गरम करून गाजराचा कीस परतून घ्या व बाजूला ठेवा. तसेच नारळ सुद्धा तुपावर परतून घ्या. मग एका जाड बुडाच्या भांड्यात नारळ, साखर व दुध घालून मिक्स करावे. मग त्यामध्ये शिजवलेला भात घालावा व भातावर ३-४ चमचे तूप सोडावे व भात मिक्स करून घ्यावा व गाजराचा कीस घालून मिक्स करून मंद विस्तवावर भात गरम करून घ्यावा.
गाजराचा भात झाल्यावर वेलचीपूड घालून मिक्स करावे. वरतून सुकामेवा घालून सजवावे.

About Sujata Nerurkar (1982 Articles)

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*