Navalkol Chya Palyachi Bhaji Marathi Recipe

नवलकोलाच्या पाल्याची भाजी Navalkol Chi Bhaji: नवलकोल ह्या भाजीला इंग्लीश भाषेत जर्मन टर्निप हे नाव आहे. ह्या भाजीचा वरचा कोवळा पाला घेवून त्याची भाजी बनवली आहे. ह्या भाजीमध्ये आपल्या शरीराला लागणारे जीवनसत्व “अ” व “क” हे जास्त प्रमाणात आहे. त्यामुळे ही भाजी नक्कीच पौस्टिक आहे. व ती अप्रतीम लागते.

साहित्य :
३ नवलकोलची वरची कोवळी पाने
१/४ कप तुरडाळ (अर्धवट शिजवून)
२ हिरव्या मिरच्या (चिरून)
मीठ चवीने
१ टे स्पून भाजणी पीठ
१ टे स्पून ओला नारळ (खोवून)
२ टे स्पून कोथंबीर (चिरून)
गुळ चवीला (अगदी थोडा)

फोडणी साठी :
१ टे स्पून तेल
१ टी स्पून मोहरी
१ टी स्पून जिरे
१/४ टी स्पून हिंग
१/४ टी स्पून हळद

कृती :
नवलकोलची कवळी पाने धुवून बारीक चिरावीत.
एका कढई मध्ये तेल गरम करून त्यामध्ये मोहरी, जिरे, हिंग हळद, हिरव्या मिरच्या घालून शिजवलेली तुरडाळ थोडी परतावी. नंतर त्यामध्ये चिरलेला नवलकोलचा पाला घालावा व थोडे भाजी शिजण्या पुरते पाणी घालावे. व वाफेवरच मंद विस्तवावर भाजी शिजवून घ्यावी. भाजी शिजल्यावर त्यामध्ये मीठ व तुरडाळ शिजलेली घालावी व भाजणीचे पीठ घालून हलवून झाकण ठेवावे. दोन मिनिटांत झाकण काढावे व वरतून खोवलेला नारळ मिक्स करावे.
गरम गरम भाजी भाकरी बरोबर किंवा चपाती बरोबर सर्व्ह करावी.

© 2015, www.royalchef.info. All rights reserved.

About Sujata Nerurkar (1804 Articles)
I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

Leave a comment

Your email address will not be published.


*