Rava Coconut Ladoo recipe in Marathi

Narial Ladoo
Rava Coconut Ladoo

रवा नारळ लाडू हे फार चवीस्ट लागतात. रवा व नारळ चांगला भाजून घेतला की खमंग लागतो. हे लाडू ६-७ दिवसाच्या वर टिकत नाही कारण ह्यामध्ये ओला नारळ वापरलेला आहे. पण नारळ घालून लाडू चवीस्ट लागतात. नारळ न घालता पण हे लाडू बनवता येतात. ह्यामध्ये वेलचीपूड बरोबर जायफळ पूड पण छान लागते. त्यामुळे सुगंध पण छान येतो.

साहित्य : ४ कप बारीक रवा, १ कप नारळाचा चव, १ कप तूप, ३ कप साखर, ३/४ कप खवा (थोडा भाजून घ्या), १ टी स्पून जायफळ पूड, १ टी स्पून वेलची पूड, थोडे काजू, बदाम, बेदाणे (तुकडे करून)

Narial Ladoo
Rava Coconut Ladoo

कृती : एका कढई मध्ये तूप गरम करून रवा मिक्स करा व रवा मंद विस्तवावर गुलाबी रंगावर भाजून घ्या. रवा हलका झाला पाहिजे. मग खोवलेला नारळ घालून मंद विस्तवावर ५ मिनिट भाजा. नंतर त्यामध्ये भाजलेला खवा घालून मिक्स करा. दुसऱ्या विस्तवावर पाक बनवायला ठेवा. पाकसाठी ३ कप साखर, दीड कप पाणी घालून एकतारी पाक बनवा. पाक झाल्यावर १/२ कप पाक बाजूला काढून ठेवा. मग कढईतील पाकामध्ये जायफळ पूड व वेलचीपूड मिक्स करा व भाजलेला रवा घाला व मिक्स करा थोडावेळ तसेच झाकून ठेवा. नंतर त्यामध्ये काजू, बदाम, बेदाणे मिक्स करा. लाडू वळून घ्या. जर मिश्रण कोरडे वाटले तर १/२ कप पाक काढून ठेवला होता तो मिक्स करा. व लाडू वळून घ्या.

By Sujata Nerurkar

I am an Expert Indian Chef, Food Columnist and Adviser. I write on food and recipes on my site and conduct cooking, candle making, chocolate making, dry cleaning, decoration and other art classes. The recipes and food themes given by me are unique and original and appear regularly in numerous reputed periodicals, newspapers and magazines.

1 comment

Leave a comment

Your email address will not be published. Required fields are marked *


The reCAPTCHA verification period has expired. Please reload the page.